خلّي التنظيف علينا، وانت ارتاح.

احجز فريق تنظيف لبيتك من التطبيق. تختار الساعات وعدد العمال واليوم، وتدفع كاش يوم الزيارة.

تأكد طلبك

فريق التنظيف محجوز لموعدك باجر ١٠ الصبح

شلون تحجز

خمس خطوات من موبايلك، وبدون أي دفع مسبق.

سجّل برقم موبايلك

يوصلك رمز على الواتساب، وإذا ما وصل يجيك برسالة.
حدد بيتك على الخريطة

وكتب أقرب نقطة دالة حتى الفريق يوصلك بسهولة.
اختار شنو تحتاج

الساعات أو الباقة، وعدد العمال، وإذا تريدنا نجيب أدوات التنظيف.
اختار اليوم والوقت

الحجز من باجر وطالع، بأي وقت ضمن الدوام.
الفريق يوصلك

بالموعد اللي اخترته، وتدفع كاش بعد ما يوصلون.

السعر واضح قبل ما تأكد

تشوف المبلغ كامل قبل الحجز. وإذا اكو عرض، تشوف السعر القديم جنب الجديد.
تدفع يوم الزيارة

كاش للفريق. ما نطلب منك أي دفع أو بطاقة بالتطبيق.
تتابع طلبك

تعرف إذا تأكد الموعد، وإذا بدا الشغل وخلص.
تراسلنا من داخل الطلب

بالكتابة أو الصور، والرد يوصلك من مرتّب. واكو زر يتصل بالدعم مباشرة.
تكدر تلغي

من التطبيق لحد ما يبدي الشغل، وتختار السبب.
رأيك يوصل

بعد كل زيارة تقيّم الخدمة من ١ إلى ٥، والتقييم يرجع على الفريق اللي خدمك.

الحزمة عدة زيارات بسعر أقل من مجموعها. تحجز كل زيارة وقت ما تريد، وتدفع كل وحدة كاش بسعرها العادي، والخصم كله ينزل على آخر زيارة.

الزيارة اللي تلغيها ترجع للحزمة، والحزمة تنفع بمنطقتك.

مثال: حزمة ٤ زيارات

منو يجي ينظف البيت؟

فريق تنظيف يشتغل ويا مرتّب بمنطقتك. تعرف الموعد وعدد العمال من التطبيق، وأي شي تحتاجه تكتبه لنا داخل الطلب.

شلون أدفع؟

كاش للفريق يوم الزيارة. المبلغ نفسه اللي شفته بالتطبيق قبل ما تأكد.

أكدر أحجز لنفس اليوم؟

لا، الحجز من باجر وطالع. التطبيق يراويك الأيام والأوقات المتاحة بمنطقتك.

أكدر ألغي الحجز؟

إي، تكدر تلغي من التطبيق لحد ما يبدي الشغل.

منطقتي مشمولة؟

نبدي بمناطق محددة ونتوسع. حدد بيتك بالتطبيق: إذا بعدنا ما وصلنا منطقتك يكلك، ونحفظ موقعك حتى نعرف وين نفتح بعدين.

أحتاج أسوي حساب بالموقع؟

لا. كل شي يصير من التطبيق برقم موبايلك.

راح يكون على آيفون وأندرويد.